可憐的豆

話說最近係屋企發現間唔中有D血漬出現，我同老婆一路都以為係阿金，但一路都搵唔到傷口，唔通佢內傷？

係星期六，我地無意中發現原來D血係阿豆架，真係估唔到原來係佢。阿豆一向比我地既感覺，係古古惑惑，但低低能能，但好健康；同埋佢個外型係young過阿金好多。佢係隻後腿度生左一粒瘤，我地發現時，仲流緊血，都幾慘幾核突.....拿拿聲帶佢去睇醫生。

作為"宅男"既阿豆，從來都唔出門，要捉佢入呢個籠，都費左我地唔少心機同時間。去到醫生度，佢已經嚇到傻晒.....

醫生最後診斷為一D 已經壞死左既瘤，仲即時同佢處理埋，都算好彩咯。不過就要札住隻腳止血同埋要係傷口度茶藥膏。

因為怕佢會"Lam"D藥膏，仲要同佢帶住個"喇叭罩"。你睇佢個樣幾唔鐘意~

見佢個樣實在太可憐，我最後忍唔住幫佢除左個 "喇叭罩"，俾佢鬆一鬆。

原先諗住都搞掂晒，第二日就可以幫佢拆埋條紅色既崩帶。點知呢隻衰野，死都唔肯俾我地搞佢隻"痛腳"，只要一掂下佢，佢就發晒惡想咬人抓人.....我從來未見過佢咁惡~

搞佢唔掂，最後又要出動個貓籠，幾經辛苦先捉到佢入去，又要去醫生度搞。

呢隻衰佬金，佢平時一見到我地攞個貓籠出黎，佢又係驚到死，但今次佢發現"目標"唔係佢，一D都唔驚，仲係度他他條條懶懶閑，一副關人鬼事既衰樣~

去到醫生度，合三個人既力量，終於都拆左崩帶，睇番個傷口，都埋口得幾好，又冇再流血。因為冇左崩帶，又要幫佢戴番個"喇叭罩"。佢即時又憂鬱......

除左茶藥膏，仲有一D藥丸要食。而家我地每餐既任務，係點樣另阿豆食藥丸。最後我地用到"誘食掩眼法"，買左D貓零食，將粒藥丸塞入去，漁目混珠咁等佢食左都唔知~ :D

雖然佢帶住"喇叭罩"，但訓起黎個衰樣仍然係冇變......

馬榮成作品展

好多朋友細個時睇既刋物，都係果D益智野，但我細個睇既，都係本地既打打殺殺連環圖，當中我最鍾意既，係馬榮成畫既中華英雄。最近係灣仔動漫基地，有個馬榮成既作品展，作為當年佢既fans，當然要去睇下啦。

大門口已經有佢幾本成名作既故事人物大畫掛係度。

當然有最為人熟知既步驚雲大公仔~

展館入面有好多馬榮成既資料。

風雲其中既主角聶風，相比步驚雲，佢冇咁紅~

 入面有好多介紹畫漫畫既制作過程。

 手版模型公仔。

唔同時期既作品。

我最like既中華英雄，可能由於係版權問題，我覺得得好少呢D資料~

英雄與鬼僕，心靈相通的最佳拍檔。

 華英雄被批命為天煞孤星，當年真係睇到津津樂道~

呢幾本我當年全部都有，當佢係珠寶咁珍藏架，haha

馬仔Q版公仔~

 細個時仲有呢D連環圖日報，當時仲有海報送添。早餐都唔食，用晒佢黎買報紙~haha

小弟畫既鬼僕，都有幾分似丫~ :P

閃電夜

這幾天都在北京，昨夜回到酒店，就開始下雨。

突然聽到窗外嘩啦嘩啦響起，揭開窗簾一看，打起雷雨來，閃到天也亮了~

第一時間，攞部DC仔出黎，調好設定，希望可以影到閃電。

皇天不負有心人，試左好多張，終於都俾我捕到閃電既一刻。因為係隔住塊大玻璃窗，只係得部DC仔又冇三腳架，影到都算係咁咯 ^_^

上次香港行雷閃電我影唔到，估唔到第一次影到閃電係响北京呢~

沖上雲霄

工作關係，上京數天，希望一切順順利利。

城門水塘

禽日去左城門水塘行下，因為見近期都冇乜野影，諗住去影下蝶或者馬騮。

一落到車，係車站隔近都見到幾隻，走左上架貨車度~ 

馬騮：我偷偷看我偷偷望~~~

不過行左入去之後，就再見唔到，又冇得影~

呢個白千層樹大道，永遠都咁多人係度影相。

水浸白千層，例牌必到既景，不過今次只係得部DC 仔，所以玩唔到慢快門~



個倒影真係好靚~

原意係諗住黎影蝴蝶，但呢度唔算多。同埋可能係較為郊野，D蝶好怕人好警覺，稍為後近佢少少就即時飛走。只係影到幾張.....

算喇，當行黎行下山囉~

維港內外

我地嘅維港，係唔同時候，唔同角度去睇，有唔同嘅美 。

YB 終結時

不經不覺玩左Yahoo Blog 都好多年，昨日見到消息，話到今年12月就會摺埋.....

咁多年黎，都係YB寫左唔少blog，亦認識左唔少blog友，雖然有啲blog友亦隨住冇再寫blog而消失於blog 界，但係留言既過程，都己經帶比我唔少歡笑同回憶。

既然YB佢要摺埋，唯有另覓地盤。記得好耐之前係blogger開過blog，頭先睇番，原來都成2010年既事黎，暫時移民黎呢度，睇下係咪可以落地生根 。